ᑲᓇᑕᒥ ᐅᖃᓕᒫᒐᖃᕐᕕᒃ ᑐᖅᑐᖅᑕᐅᓯᒪᕝᕕᒡᓗ
www.collectionscanada.gc.ca
Common menu bar links
Liens de la barre de menu commune
ᑎᒦᑦ ᑲᓱᕐᕕᖏᑦ
ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ
ᐱᒋᐊᕈᑎ
ᓯᕗᓪᓕᖅᐹᖅ ᐱᓕᕆᐊᖑᓚᐅᖅᑐᖅ: 2001-ᒥᒃ ᐱᒋᐊᖅᖢᑎᒃ ᑕᑯᔭᒃᓴᓕᐊᑦ ᓴᖅᑭᑕᐅᔪᑦ ᐊᒃᑑᐸ 2004-ᒧᑦ
ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥᒃ ᐱᒋᐊᓚᐅᖅᓯᒪᔪᖅ
ᖃᕆᑕᐅᔭᒃ
ᑰᕈᓐᓇᖅᑐᙳᖅᑎᖅᑕᐅᓪᓗᑎᒃ ᖃᓂᒋᔭᖏᓃᑦᑐᑦ 500 ᐊᔾᔨᙳᐊᑦ, ᐊᔾᔨᓕᐊᕕᓂᐅᔪᑦ ᕆᑦᓱᑦ ᕼᐃᐊᕆᖕᑕᓐᒧᑦ. ᑕᐃᔅᓱᒪᓂ
ᐃᓱᖏᓐᓂ 1940-ᖏᑦ, ᐊᒻᒪᓗ ᐱᒋᐊᓕᓵᕐᓂᖏᓐᓂ 1950-ᖏᑦ, ᕼᐃᐊᕆᖕᑕᓐ ᐊᔾᔨᓕᐅᕆᖃᑦᑕᓚᐅᖅᓯᒪᖕᒪᑦ ᐃᓄᖕᓂᒃ ᓄᓇᓕᖕᓂᒃ
ᐃᒡᓗᓕᖕᒥ, ᖁᖅᓗᖅᑑᕐᒥ, (ᑳᐳᒪᐃᙳᕙᓚᐅᖅᑐᖅ ᖃᓗᓈᑎᑐᑦ), ᑕᓗᕐᔪᐊᕐᒥ (ᓯᐱᐊᓐᔅ ᐲᖑᕙᓚᐅᖅᑐᖅ ᖃᓗᓈᑎᑐᑦ) ᐊᒻᒪ
ᐹᑦᓕᕐᒥ. ᐊᔾᔨᓕᐊᕕᓂᖏᑦ ᖃᕆᑕᐅᔭᓄᐊᖅᑕᐅᔪᓐᓇᖅᓯᓚᐅᖅᑐᑦ ᕿᓪᓕᖅᑐᒃᑰᖅᑎᑕᐅᓪᓗᑎᒃ CD-ROM-ᑯᑦ,
ᐅᑭᐅᖅᑕᖅᑐᓄᐊᕈᔾᔭᐅᓪᓗᑎᒡᓗ ᒪᒃᑯᒃᑐᓄᑦ ᐃᓄᖕᓄᑦ. ᒪᒃᑯᒃᑐᑦ ᑲᑎᒪᖃᑎᖃᓚᐅᖅᑐᑦ ᐃᓐᓇᑐᖃᕐᓂᒃ ᓯᑕᒪᓂᒃ ᓄᓇᓕᖕᓂᒃ
ᓇᓗᓇᐃᔭᖅᑕᐅᖁᓪᓗᒋᑦ ᑭᓇᒃᑰᖕᒪᖔᑕ ᐊᔾᔨᙳᐊᓃᑦᑐᑦ. ᑕᒪᐃᓐᓂ, ᑲᑎᒪᑦᑎᐊᖅᑐᒻᒪᕆᐊᓘᖃᑦᑕᓚᐅᖅᑐᑦ, ᓇᑉᐸᐃᑦ ᐅᖓᑖᓃᑦᑐᑦ
ᐊᔾᔨᙳᐊᓃᖃᑕᐅᔪᑦ ᐃᓕᑕᕆᔭᐅᓕᓚᐅᕐᒪᑕ ᐊᑦᑎᖅᑐᖅᑕᐅᕙᓪᓕᐊᓪᓗᑎᒃ. ᐊᒥᓱᑦ ᐃᓐᓇᑐᖃᐃᑦ ᐃᓕᑕᖅᓯᖃᑦᑕᓚᐅᖅᑐᑦ ᐊᖓᔪᖄᒥᓂᒃ,
ᐊᓯᖏᓐᓂᒃ ᐃᓚᒥᓂᒃ ᐊᒻᒪᓗ ᓄᓇᓕᖕᒥᐅᑕᐅᔪᓂᒃ, ᐃᓚᖏᓐᓂᓗᓐᓃᑦ, ᐃᖕᒥᓂᒃ.
ᐊᐅᔭᐅᑎᓪᓗᒍ 2003-ᒥ, ᐱᓕᕆᐊᖑᔪᑦ ᐊᖏᒡᓕᒋᐊᓕᓚᐅᖅᑐᑦ ᐃᓚᔭᐅᓪᓗᑎᒃ ᐊᓯᖏᑦ ᐊᔾᔨᙳᐊᑦ ᑲᑎᖅᓱᖅᑕᐅᓯᒪᔪᑦ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖓᓐᓂ (LAC-ᑯᓐᓂᒃ), ᓄᓇᓕᖕᒥᐅᑕᐅᓪᓗᑎᒃ ᕿᑭᖅᑖᓗᖕᒥ. ᐊᒥᓲᓂᖅᓴᐃᑦ ᐊᔾᔨᓕᐊᖑᓯᒪᔪᑦ ᐊᔾᔨᙳᐊᑐᖃᐃᑦ ᐱᔭᐅᓚᐅᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᑲᑎᖅᓱᖅᑕᐅᔪᕕᓂᕐᓂᒃ LAC-ᑯᓐᓂᒃ, ᐊᒻᒪᓗ ᐃᓚᖃᖅᖢᑎᒃ ᐃᓄᓕᕆᔨᑐᖃᒃᑯᑦ ᑲᑎᖅᓱᖅᑕᕕᓂᖏᓐᓂᒃ, ᑲᓇᑕᒥ ᑕᕐᕆᔭᐅᑎᓕᐅᖅᑏᑦ ᑲᑎᒪᔨᖏᓐᓂᒃ, ᑲᓇᑕᐅᑉ ᐋᓐᓂᐊᖅᑐᓕᕆᔨᒃᑯᖏᓐᓂᒡᓗ; ᐅᓪᓗᖃᐅᓚᐅᖅᑐᑦ ᓇᑭᑐᐃᓐᓇᖅ 1920-ᖏᓐᓂᒃ ᕿᑎᖓᓄᑦ 1960-ᓄᑦ.
ᑎᓯᐱᕆ 2003-ᒥ, ᓄᓇᕗᑦ ᓯᕗᓂᒃᓴᕗᒃᑯᑦ ᐃᓕᓐᓂᐊᖅᑎᖏᑦ ᕿᑭᖅᑖᓗᖕᒥᐅᑕᐃᑦ ᓇᒃᓴᓚᐅᖅᑐᑦ ᖃᕆᑕᐅᔭᕋᓛᕐᒥᓂᒃ ᐊᒻᒪᓗ ᕿᓪᓕᖅᑐᓂᒃ ᐊᔾᔨᙳᐊᖃᕐᕕᖕᓂᒃ ᐊᔾᔨᓕᐅᖅᑕᐅᓯᒪᓪᓗᑎᒃ ᐊᖏᕐᕋᖏᓐᓂᒃ ᐃᓕᓐᓂᐊᕐᓂᕐᒥᓂᒃ ᓄᖅᑲᖓᑎᑕᐅᓂᖏᓐᓂ, ᑕᑯᑎᑦᑐᒻᒪᓪᓗᒋᑦ ᐃᓐᓇᑐᖃᐃᑦ. ᐃᓕᑕᕆᔭᐅᕙᓪᓕᐊᔪᑦ ᐊᒥᓲᙱᓐᓂᖅᓂᓴᐅᒐᓗᐊᖅᖢᑎᒃ ᐃᓕᑕᕆᔭᐅᖃᑦᑕᓚᐅᖅᑐᓂᒃ ᕆᑦᓱᑦ ᕼᐃᐅᕆᖕᑕᓐ ᐊᔾᔨᓕᐊᕕᓂᖏᑦᑕ ᓴᓂᐊᓂ, ᐃᓐᓇᑐᖃᐃᑦ ᓄᓇᖕᓕᖕᓂ ᐸᖕᓂᖅᑑᕐᒥ ᐊᒻᒪᓗ ᒥᑦᑎᒪᑕᓕᖕᒥ (ᑐᓄᓂᖅ) ᓇᓗᓇᐃᔭᐃᔪᓐᓇᓚᐅᖅᑐᑦ ᐃᓄᐃᑦ ᑭᓇᒃᑰᓂᖏᓐᓂᒃ 100-ᑲᓴᖕᓂᒃ ᐊᔾᔨᙳᐊᓂ, ᐃᓚᖏᑦ ᐊᔾᔨᓕᐅᖅᑕᐅᓯᒪᔪᕕᓂᐅᓪᓗᑎᒃ ᖃᖓᑲᓪᓚᒻᒪᕆᐊᓗᒃ ᓲᕐᓗ 1922-ᒥ.
ᖃᕆᑕᐅᔭᒃᑯᑦ ᑕᑯᔭᖅᑐᕐᕕᒃ ᓴᖅᑭᑎᑕᐅᑎᓪᓗᒍ ᐊᒃᑑᐸ 2004-ᒥ, ᖃᕆᑕᐅᔭᒃᑯᑦ ᑲᑎᖅᓱᐃᕝᕕᒃ ᐃᓪᓗᓪᓕᕈᓐᓇᓚᐅᖅᑐᑦ ᖃᓂᒋᔭᖏᓐᓂᒃ 1,300-ᓂᒃ ᐊᔾᔨᙳᐊᓂᒃ, ᑕᒪᐃᓐᓂᒃ ᕆᑦᓱᑦ ᕼᐃᐅᕆᖕᑕᓐ ᑲᑎᖅᓱᖅᑕᕕᓂᖏᓐᓂᒃ ᐊᒻᒪᓗ ᕿᑭᖅᑖᓗᖕᒥ ᖃᐅᔨᒋᐊᖅᑕᐅᓚᐅᖅᑐᓂᒃ. ᑕᐃᒪᙵᑦ ᓴᖅᑭᑎᑕᐅᓚᐅᖅᑎᓪᓗᒋᑦ ᑕᑯᔭᖅᑐᕐᕖᑦ ᖃᕆᑕᐅᔭᒃᑯᑦ, ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖓᓐᓂ (LAC-ᑯᑦ) ᐅᖃᐅᔾᔭᐅᓯᒪᓕᖅᑐᑦ 90 ᐅᖓᑖᓂ ᐊᑎᖏᓐᓂᒃ ᐊᔾᔨᙳᐊᓃᖃᑕᐅᔪᑦ, ᐅᐸᒃᑕᕐᕕᖕᒥ ᑕᑯᔭᐅᖃᑦᑕᖅᑐᓂ ᑕᐃᔭᐅᔪᒥ ᐊᑦᑎᖅᓱᐃᕙᓪᓕᐊᓂᖅ ᑲᔪᓯᕗᖅ
ᐊᔾᔨᙳᐊᑦ ᓇᓗᓇᐃᖅᑕᐅᓚᐅᖅᑐᑦ "ᐊᑦᑎᖅᓱᐃᓂᖅ ᑲᔪᓯᕗᖅ"-ᒃᑯᑦ ᐅᐸᒃᑕᕐᕕᖓᒍᑦ ᓯᕗᓪᓕᖅᐹᕐᒥ ᐱᓕᕆᐊᖑᓚᐅᖅᑐᓂ ᐱᓕᕆᐊᓂ ᐊᑦᑎᖅᓱᐃᓂᕐᒧᑦ.
ᐊᓯᔾᔨᖅᑎᑕᐅᓚᐅᖅᑕᖓᑕ ᐅᓪᓗᖓ: 2009-01-29
