Library and Archives Canada
Symbol of the Government of Canada

Common menu bar links

Liens de la barre de menu commune

ᑎᒦᑦ ᑲᓱᕐᕕᖏᑦ

ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᕿᓂᕐᕕᒋᓗᒍ ᑲᑎᖅᓱᐃᕝᕕᒃ

ᐊᔾᔨᙳᐊᓂᒃ ᕿᓂᕐᓂᖅ ᐱᓕᕆᐊᖑᔪᒧᑦ ᐊᑎᖅᓯᐅᕐᓂᒧᑦ ᐃᓚᐅᔪᓂᒃ

ᐱᔾᔪᑕᐅᓪᓗᑎᒃ ᓂᕆᐅᒋᔭᐅᙱᖦᖢᑎᒃ ᐊᑲᐅᙱᓕᐅᕈᑕᐅᔪᑦ, ᐃᓚᐃᓐᓇᑯᓗᖏᑦ ᐊᔾᔨᙳᐊᑦ ᑕᑯᔭᒃᓴᐅᕗᑦ ᐃᓄᒃᑎᑐᑦ. ᑖᒃᑯᐊ ᐊᑲᐅᙱᓕᐅᕈᑕᐅᔪᑦ ᐋᖅᑭᒃᑕᐅᓚᐅᖅᑎᓐᓇᒋᑦ, ᐊᑐᐃᓐᓇᐅᕗᖅ ᑐᖅᑯᖅᑕᐅᓯᒪᔪᓗᒃᑖᑦ ᖃᓪᓗᓈᑎᑑᓕᖅᑎᑕᐅᔪᒥ. ᑐᓴᖅᑎᑦᑐᒪᕙᔅᓯ ᐃᑭᐊᖅᑭᕕᖕᒧᐊᖅᑕᐅᒃᐸᑦ ᐃᓄᒃᑎᑑᓕᖅᑎᑕᐅᓂᖏᑦ ᑐᖅᑯᖅᑕᐅᓯᒪᔪᑦ, ᑕᐃᒃᑯᐊᑦᑕᐃᓐᓇᖅ ᓄᑖᖑᔪᑦ ᑭᒃᑰᓂᖏᑦ ᓇᓗᓇᐃᖅᑕᐅᓯᒪᔪᑦ ᐃᓄᒃᑎᑑᓕᖅᑎᑕᐅᓛᖅᑐᑦ . ᒪᒥᐊᓱᒃᐳᒍᑦ ᑕᒪᑐᒧᖓ ᐊᑲᐅᙱᑦᑐᒧᑦ.

ᑖᓐᓇ ᑲᑎᖅᓱᐃᕝᕕᒃ ᐊᔾᔨᙳᐊᕐᓂᒃ ᖃᕋᓴᐅᔭᕐᒧᐊᖅᑕᐅᓚᐅᖅᑐᓕᒫᓂᒃ ᑕᑯᔪᓐᓇᖅᑎᑦᑎᕗᖅ ᐃᓚᒋᓪᓗᓂᐅᒃ ᐱᓕᕆᐊᖃᕐᓂᖅ ᐊᑎᖅᓯᐅᕐᓂᕐᒥᒃ.ᐊᒥᓱᑦ ᓄᑖᓂᒃ ᑎᑎᕋᐅᓯᓕᐅᖅᑕᐅᓯᒪᕗᑦ ᐃᓄᐃᑦ ᐃᓕᓴᕆᔭᐅᔭᕌᖓᒥᒃ, ᐃᓚᖏᑦ ᓱᓕ ᓇᓗᓇᐃᖅᑕᐅᓚᐅᙱᖦᖢᑎᒃ ᓱᓕ. ᑐᒡᓕᕆᔭᐅᔪᒥ ᐱᓕᕆᐊᖃᕐᓂᖅ ᓄᑖᒥᒃ ᑕᐃᒎᓯᖅᑕᖃᖅᐳᖅ, "ᐅᓪᓗᑕᒫᑦ ᑲᒪᒋᔭᐅᕙᓚᐅᖅᑐᑦ", ᐃᓚᖏᓐᓄᑦ ᐊᔾᔨᙳᐊᕐᓄᑦ ᐃᓚᓕᐅᑎᔭᐅᓯᒪᓪᓗᑎᒃ ᖃᓄᐃᓕᐅᖅᑐᖃᕌᖓᑦ ᓲᕐᓗ ᐊᖑᓇᓱᖕᓂᖅ ᐊᒻᒪᓗ ᐃᖃᓗᒐᓱᖕᓂᖅ. ᑖᒃᑯᐊ ᐊᔾᔨᙳᐊᑦ ᐱᑕᖃᖅᑎᑦᑎᕗᑦ ᑐᑭᓯᐅᒪᔾᔪᑎᓂᒃ ᖃᓄᐃᓕᐅᕐᓂᐅᔪᕕᓂᕐᓄᑦ ᐃᓕᓐᓂᐊᕐᕕᖕᓂ ᐅᖃᖃᑎᒌᖕᓂᖅ" (ᐃᓕᓐᓂᐊᕈᑎᒃᓴᐃᑦ ᐅᕙᓂ ᑎᓴᒪᓕᐊᖑᔪᓂ ᑕᑯᔭᒃᓴᐅᓛᖅᑐᑦ ᐅᑭᐅᖓᓂ 2008).

ᑕᒪᕐᒥᐸᓗᒃ ᐊᔾᔨᙳᐊᑦ ᐅᕙᓂ ᑲᑎᖅᓱᐃᕝᕕᖕᒥ ᐊᔾᔨᓕᐅᖅᑕᐅᓚᐅᖅᐳᑦ ᓄᓇᑦᑎᐊᕐᒥ, ᓄᓇᕗᙳᓚᐅᖅᑐᒥ 1999-ᖑᑎᓪᓗᒍ. ᑐᒡᓕᕆᔭᐅᔪᒥ ᐱᓕᕆᐊᖃᕐᓂᕐᒥ, ᐊᔾᔨᓕᐅᖅᑕᐅᓚᐅᖅᑐᑦ ᐅᓪᓗᒥᐅᔪᖅ ᓄᓇᑦ ᓄᓇᑦᑎᐊᖑᓕᖅᑐᓂ ᐊᒻᒪᓗ ᑯᐸᐃᒃᒥ ᖃᓂᑦᑐᑦ ᓄᓇᕘᑉ ᑭᒡᓕᖓᓄᑦ ᑲᑎᖅᓱᐃᕝᕕᖕᒧᐊᖅᑕᐅᖃᓯᐅᔾᔭᐅᓚᐅᕐᒥᔪᑦ. ᑖᒃᑯᐊ ᐊᔾᔨᙳᐊᑦ ᕿᓂᖅᑕᐅᔪᓐᓇᖅᑐᑦ ᐅᕙᓂ "ᓄᓇᕗᒻᒦᙱᑦᑐᑦ".

ᖃᕋᓴᐅᔭᒃᑯᑦ ᕿᓂᕈᑎ ᐊᑐᕐᓗᒍ, ᖃᕋᓴᐅᔭᒃᑯᑦ ᑲᓲᑎᓯᒪᔪᓄᑦ ᐊᑐᖅᑕᐅᔪᓐᓇᖅᑐᖅ, ᐊᔾᔨᙳᐊᑦ ᖃᕋᓴᐅᔭᓄᐊᖅᑕᐅᓯᒪᔪᑦ ᐱᓕᕆᐊᖅ ᐊᑎᖅᓯᐅᕐᓂᕐᒧᑦ ᕿᒥᕐᕈᔪᓐᓇᖅᑕᑎᑦ. ᐅᓄᖅᑐᑦ ᓄᑖᓂᒃ ᑕᐃᔭᐅᓯᒪᓕᖅᓯᒪᔪᑦ ᐊᔾᔨᓕᐅᖅᑕᐅᓯᒪᔪᓪᓗ ᑭᓇᐅᖕᒪᖔᖏᑦ ᓇᓗᓇᐃᖅᑕᐅᓯᒪᓪᓗᑎᒃ, ᑭᓯᐊᓂ ᓱᓕ ᐅᓄᖅᑐᑦ ᐊᑎᖅᓯᐊᖅᑕᐅᓯᒪᙱᑦᑐᑦ.