Library and Archives Canada
Symbol of the Government of Canada

Common menu bar links

Liens de la barre de menu commune

ᑎᒦᑦ ᑲᓱᕐᕕᖏᑦ

ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᓂᐲᑦ ᓄᓇᕗᒻᒥᑦ

ᐱᓕᕆᐊᖃᕐᓂᖅ ᐊᑎᖅᓯᐅᕐᓂᕐᒥᒃ ᐋᑐᕚᒥ

ᐅᑎᒧᑦ

ᓅᕖᕝᕙ 1ᖑᑎᓪᓗᒍ, 2002ᒥ, ᐃᓕᓐᓂᐊᖅᑏᑦ ᓄᓇᕗᑦ ᓯᕗᓂᒃᓴᕗᒃᑯᓂᑦ ᑲᑎᓚᐅᖅᑯᑦ ᐅᖃᓕᒫᒐᖃᕐᕕᖕᒥ ᐊᒻᒪᓗ ᑐᖅᑯᖅᑕᐅᓯᒪᕕᖕᒥ ᐋᑐᕚᒥ, ᖃᐅᔨᒋᐊᕆᐊᖅᑐᖅᑐᑎᑦ ᐊᐅᓚᓂᖓᓂᑦ ᐊᑎᖅᓯᐅᕐᓂᐅᑉ. ᐊᒻᒪᓗ ᐃᓚᒋᔭᐅᓪᓗᑎᑦ ᓄᓇᕗᒻᒥᐅᑕᐅᔪᓄᑦ ᐅᑯᓄᖓ: ᓄᓇᕗᑦ ᒐᕙᒪᖓᓐᓄᑦ ᑭᒡᒐᑐᖅᑎᐅᔪᖅ ᐲᑕ ᐃᕐᓂᖅ, ᐊᒻᒪᓗ ᒐᕙᒪᑐᖃᒃᑯᓐᓄᑦ ᑲᑎᒪᔨᕐᔪᐊᖑᖃᑕᐅᔪᖅ ᓄᓇᕗᒻᒧᑦ ᓈᓐᓯ ᖃᕆᑕᖅ. ᑖᓇᓗ ᑲᑎᓐᓂᐅᔪᖅ ᐱᕕᖃᖅᑎᑦᑎᓚᐅᕆᕗᖅ ᑕᑯᔅᓴᐅᑎᑦᑎᓂᕐᒥᒃ ᐊᑎᓕᖅᓱᐃᓂᕐᒥᒃ ᖃᓪᓗᓈᑦ ᓄᓇᖓᓂᒥᐅᑕᐅᔪᓄᑦ. ᑲᑎᖃᑎᒌᓐᓂᐅᔪᖅ ᐅᖃᐅᓯᖃᕋᓗᐊᖅᑎᓪᓗᒍ ᑖᔅᓱᒪ ᐊᑎᓕᖅᓱᐃᓂᐅᑉ ᐱᑦᑎᐊᕐᓂᖓᓂᑦ, ᑭᓯᐊᓂᑦᑕᐅᖅ ᑖᓐᓇ ᑲᑎᑦᑎᔪᓐᓇᓚᐅᕆᕗᖅ ᐃᓅᓱᒃᑐᓂᒃ ᐊᒻᒪ ᐃᓐᓇᑐᖃᕐᓂᒃ, ᐱᓕᕆᖃᑎᒌᑦᑐᑎᑦ ᐊᑎᓕᖅᓱᐃᓪᓗᑎᑦ ᐃᓄᓐᓂᒃ ᐊᑎᖃᙱᑦᑐᓂᒃ ᐃᓄᓐᓂᒃ.

Photo of Nunavut Sivuniksavut Training Program students Karen Panigoniak, Bernice Niakrok, and Inuujaq Dean who participated in the Project Naming event, Ottawa

ᓄᓇᕗᑦ ᓯᕗᓂᒃᓴᕗᒃᑯᓄᑦ ᐃᓕᓐᓂᐊᖅᑐᖅ ᑭᐅᕋᓐ ᐸᓂᒍᓂᐊᖅ, ᕗᕐᓃᔅ ᓂᐊᖁᖅ ᐊᒻᒪᓗ ᐃᓅᔭᖅ ᑏᓐ ᐱᖃᑕᐅᓚᐅᖅᑐᑦ ᐊᑎᓕᖅᓱᐃᓂᕐᒥᒃ ᑕᑯᔅᓴᐅᑎᑦᑎᑎᓪᓗᒋᑦ ᐋᑐᕚᒥ, ᓅᕖᕝᕙᐅᑎᓪᓗᒍ 2002ᒥ
ᐋᑐᕚ
ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᕕᖓᓃᙶᖅᓯᒪᔪᖅ

ᑕᕝᕙᓂ ᑲᑎᓐᓂᐅᔪᒥ, ᑐᖅᑯᖅᑕᐅᓯᒪᕝᕕᖕᒥ ᐃᖅᑲᓇᐃᔭᖅᑎ ᐄᐊᓐ ᕕᓪᓴᓐ. ᐅᖃᐅᓯᖃᓚᐅᖅᐳᖅ ᑖᔅᓱᒪ ᐊᑦᑎᖅᓱᐃᓂᐅᑉ ᐊᑑᑎᖃᕐᓂᖓᓂᒃ, ᐊᒻᒪᓗ ᖃᓄᑎᒋ ᓴᖅᑭᑦᑎᓯᒪᒻᒪᖔᖅ ᐱᓕᕆᐊᒋᔭᒃᓴᐅᔪᓂᒃ. ᐅᖃᐅᓯᖃᒃᑲᓐᓂᖅᑐᓂᓗ ᑖᓐᓇ ᖃᓄᑎᒋ ᐱᒻᒪᕆᐅᖕᒪᖔᑦ ᐅᖃᓕᒫᒐᖃᕐᕕᖕᒧᑦ ᐊᒻᒪ ᑐᖅᑯᖅᑕᐅᓯᒪᕕᒻᒧᑦ ᑲᓇᑕᒥ. ᐅᖃᒃᑲᓐᓂᕆᓪᓗᓂ ᐱᓕᕆᐊᖃᒃᑲᓐᓂᕆᐊᖃᕐᓂᖏᓐᓂᑦ ᐊᒥᓲᔪᓂᑦ ᐊᔾᔨᙳᐊᓂᑦ ᑲᓇᑕᐅᑉ ᐅᑭᐅᖅᑕᖅᑐᖓᓃᙶᑐᓂᑦ, ᒫᓐᓇᒻᒨᔪᖅ ᑎᑭᑦᑐᒍ ᐅᖃᓕᒫᒐᖃᕐᕕᖕᒦᑦᑐᑦ ᐊᒻᒪᓗ ᑐᖅᑯᖅᑕᐅᓯᒪᕝᕕᖕᒦᑦᑐᑦ ᐊᔾᔨᙳᐊᑦ ᐃᓄᐃᑦ ᐅᑭᐅᖅᑕᖅᑐᒦᙵᖅᑐᑦ ᐊᑎᖃᙱᒻᒪᑕ.

ᐃᓐᓇᑐᖃᐅᔪᖅ ᐅᖅᓱᖅᑑᒥᐅᑕᖅ, ᓂᓚᐅᓛᖅ ᐊᒡᓘᒃᑲᖅ, ᐃᓚᐅᖃᑕᐅᓚᐅᕆᕗᖅ ᐋᑐᕚᒥ ᑲᑎᓐᓂᐅᔪᒥ. ᑕᑯᔅᓴᐅᑎᑦᑎᔪᖃᖅᑎᓪᓗᒍ ᐊᔾᔨᙳᐊᓂᒃ ᖃᕋᓴᐅᔭᒃᑯᑦ, ᐃᓕᓴᖅᓯᓚᐅᖅᐳᖅ ᐊᑖᑕᒋᓚᐅᖅᑕᒥᓂᒃ ᐊᑎᖃᖅᑐᒥᒃ ᐃᓴᕐᕋᑎᐊᑦᑐᒥᒃ ᐃᑎᕈᔪᖕᒥᒡᓗ ᐃᓚᒋᔭᐅᑎᓪᓗᒍ ᐃᓕᓴᕆᔭᐅᓯᒪᙱᑦᑐᓂᒃ ᐃᓄᓐᓂᒃ ᕿᒥᕐᕈᐊᖅᑎᓪᓗᒋᑦ. ᑖᔅᓱᒥᖓ ᐃᓱᒪᒐᓂ ᓇᓂᓯᒐᒥ ᐃᓗᒃᑯᑦ ᐊᑦᑐᖅᑕᐅᓚᐅᖅᑯᖅ, ᐊᒡᓘᒃᑲᕐᓗ ᐃᒻᒥᓂᒃ ᓂᐱᓕᐅᓚᐅᖅᑯᖅ, ᐃᓄᒃᑎᑐᑦ, ᕕᐅᓪᓴᓐᒧᑦ, ᐅᖃᐅᓯᖃᖅᑐᓂ ᑖᔅᓱᒪ ᐊᑑᑎᖃᕐᓂᖓᓂᒃ ᐊᒻᒪᓗ ᖁᔭᓕᔪᒪᓪᓗᓂ. ᐊᑯᓂ ᕿᓂᖃᑦᑕᖅᓯᒪᒐᓗᐊᖅᑐᓂ, ᓇᓂᓯᒍᓐᓇᓚᐅᖅᓯᒪᒐᓂ ᐊᑖᑕᖓᑕ ᐊᔾᔨᙳᐊᖓᓂᒃ. ᓇᓂᓯᑦᑕᓯᓐᓇᓕᕋᒥ ᐊᑖᑕᖓᑕ ᐊᔾᔨᖓᓂᒃ ᖁᕕᐊᓱᑦᑎᐊᓚᐅᖅᑯᖅ ᐊᒻᒪᓗ ᐊᑑᑎᖃᑦᑎᐊᕐᓂᕋᖅᑐᓂᐅᒃ.

Photo of Nunavut Commissioner Peter Irniq and National Archivist Ian E. Wilson watching as Elisapee Avingaq of Igloolik (Iglulik) demonstrates the use of the laptop computer at the Project Naming event in Ottawa.

ᓴᐅᒥᒥᑦ - ᑕᓕᖅᐱᒧᑦ : ᓄᓇᕗᑦ ᑲᒥᓯᓇᖓ ᐲᑕ ᐃᕐᓂᖅ ᐊᒻᒪᓗ ᑐᖅᑯᖅᑕᐅᓯᒪᕕᖕᒧᑦ ᐃᖅᑲᓇᐃᔭᖅᑎ ᐄᐊᓐ ᕕᐅᓪᓴᓐ ᑕᑯᓐᓈᖅᑑᒃ ᐃᓕᓴᐱ ᐊᕕᙵᖅ ᐃᒡᓗᓕᖕᒥᐅᑕᖅ ᐊᔪᕆᖅᓱᐃᑎᓪᓗᒍ ᖃᓄᖅ ᖃᕋᓴᐅᔭᖅ ᐊᑐᕆᐊᖃᕐᒪᖔᑦ ᐊᑎᓕᖅᓱᐃᓂᕐᒥᒃ ᑕᑯᒃᓴᑎᑦᑎᑎᓪᓗᒋᑦ ᐋᑐᕚᒥ. ᐊᓯᖏᑦ ᐃᓕᓐᓂᐊᖅᑏᑦ ᓄᓇᕗᒻᒦᙶᖅᓯᒪᔪᐃᑦᑕᐅᖅ -ᐃᓕᔅ ᑰᓕ (ᕿᑎᒐᓃᑦᑐᖅ) ᐊᒻᒪᓗ ᑖᒥ ᐊᑯᓗᒃᔪᒃ (ᑕᓕᖅᐱᒦᑦᑐᖅ) ᑕᑯᓐᓈᕆᕗᑦ.
ᓅᕖᕝᕙᐅᑎᓪᓗᒍ 2002ᒥ
ᐋᑐᕚ
ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᕕᖓᓃᙶᖅᓯᒪᔪᖅ

Photo of Tommy Akulukjuk of Pangnirtung (Pangnirtuuq), demonstrating how to use the computer to display archival photographs at the Project Naming event in Ottawa.

ᑖᒥ ᐊᑯᓗᒃᔪᒃ ᐸᓐᓂᖅᑑᒥᐅᑕᖅ ᐊᔪᕆᖅᓱᐃᔪᖅ ᖃᓄᖅ ᖃᕋᓴᐅᔭᖅ ᐊᑐᕆᐊᖃᕐᒪᖔᑦ ᑕᑯᒃᓴᐅᑎᑦᑎᓗᓂ ᐊᔾᔨᙳᐊᓂᒃ ᐊᑎᓕᖅᓱᐃᓂᕐᒥᒃ ᑕᑯᔅᓴᐅᑎᑦᑎᑎᓪᓗᒋᑦ ᐋᑐᕚᒥ. ᑕᑯᓐᓇᖃᑕᐅᔪᑦ ᖁᓗᐊᖅ ᐱᓕᑲᑉᓯ (ᓴᒥᒦᑦᑐᖅ) ᐊᒻᒪᓗ ᒫᓂᑲ ᑑᕐᖓᖅ ᓲᑏᔅ (ᑕᓕᖅᐱᒦᑦᑐᖅ) ᑕᒪᕐᒥᒃ ᑲᖏᖦᖠᓂᕐᒦᙶᓯᒪᔫᒃ, ᓅᕖᕝᕙᐅᑎᓪᓗᒍ 2002ᒥ
ᐋᑐᕚ
ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᕕᖓᓃᙶᖅᓯᒪᔪᖅ

ᐅᑎᒧᑦ